प्रस्थानत्रयान्तर्गतास्सर्वे ग्रन्था व्याख्योपव्याख्यासहिताः निरूपिताः । प्रस्थानत्रयानन्तर्गता अद्वैतसिद्धान्तप्रतिपादकाश्च मार्कि पञ्चशताधिकाः सव्याख्याः निर्व्याख्याश्च विभिन्नाचार्यकृता ग्रन्था उपलभ्यन्ते । ते च सिद्धान्तमात्रप्रदर्शनपराः, खण्डनमण्डनपराः, अनुभवात्मकभावाविष्करणपराः काव्यशैल्या सिद्धान्तप्रदर्शनपराश्चेति चतुर्धा विभज्यन्ते । एते सर्वेऽपि ग्रन्थाः -
शास्त्रैकदेशसम्बद्धं शास्त्रकार्यान्तरे स्थितम् ।
आहुः प्रकरणं नाम ग्रन्थभेदं विपश्चितः ।।
इति लक्षणलक्षिता इति प्रकरणप्रस्थान एव प्रतिपादिताः । चतुर्विधा एते ग्रन्था असंख्या इति प्रकरणेऽस्मिन् प्रकरणग्रन्थानां प्रकरणग्रन्थकर्तृणाञ्च नामनिर्देशः परं क्रियते । तत्तत्प्रकरणग्रन्थप्रतिपादिता विषयाः, प्रकाशिताः? उत अप्रकाशिता इत्यादय इतरे विषया अद्वैताचार्यपरिच्छेदे प्रतिपादयिष्यन्ते ।
ग्रन्थाः